A Greve estudantil baleira as aulas en Galiza contra a LOMCE e as revalidas

En moitos centros a folga alcanzou o 100%, segundo a Plataforma Galega en Defensa do Ensino Público

O 90% do alumnado de ESO e Bacharelato baleira as aulas en Galiza en rexeitamento da LOMCE e as reválidas

“Polos datos que temos, o 90% do alumnado secundou hoxe en Galiza a folga convocada en ensino medio, ESO e Bacharelato, e houbo numerosos centros nos que a participación foi do 100%”. Así o declaraba ao comezo da manifestación de Compostela o portavoz da Plataforma Galega en Defensa do Ensino Público e secretario nacional de CIG-Ensino, Anxo Louzao, quen considerou que “esta é a mostra máis palpable do enorme rexeitamento que suscitan a LOMCE e as reválidas no noso país”.

2016-11-24-Vigo-FolgaEstudantil-12.jpg

A este respecto lembrou que as reválidas van ter valor académico, tal e como se recolle no Decreto Lei que ten preparado o goberno e advertiu que “o PP pretende que quede en nada a resolución do Parlamento español que insta ao goberno a derrogar a LOMCE”.

2016-11-24-ACorunha-ManifestacionfolgaensinoLomce-08.jpg

O portavoz da PGDEP considerou que “se hai un mínimo de sensibilidade, o goberno ten que escoitar á sociedade galega que repetidamente vén amosando o seu total rexeitamento a estas reválidas e a esta LOMCE que poñen en cuestión o sistema educativo, que poñen en perigo o dereito á educación pública, afondan na confesionalidade, desbotan a xestión democrática e recentralizan aínda máis o sistema educativo”.

Ademais asegurou que a Plataforma continuará loitando pola total derrogación desta lei e fixo un chamamento a participar nas concentracións convocadas para as 19:00 horas de hoxe (agás en Vigo, onde está prevista para as 18:00h) en Cee, Vilagarcía e O Carballiño.

2016-11-24 Compostela 005.jpg

Manifestacións por toda a xeografía galega

A PGDEP participou nas manifestacións que se sucederon por toda a xeografía galega. Mobilizacións que se desenvolveron baixo unha intensa chuvia en todas as cidades, mais tamén en Melide, Ribeira e Ponteareas. Noutras vilas, como Boiro, O Barco, Caldas, Cangas ou Vilagarcía, os actos de protestas desenvolvéronse como concentracións.

2016-11-24 Compostela 007.jpg

CIG

Categorías
Cultura

RELACIONADAS